Текст
30.04.2026
1 «Б» сыныбында Қазақстан халқының бірлігі күніне арналған тәрбие сағаты өтті.
Іс-шара барысында оқушылар елімізде тұратын әртүрлі ұлт өкілдерінің мәдениеті мен дәстүрлері туралы мағлұмат алды. Балалар қызығушылықпен танымдық бейнеролик көріп, достық, сыйластық және ұлтаралық татулықтың маңызын талқылады.
Тәрбие сағатының ерекше бөлігі – шығармашылық жұмыс болды. Оқушылар қағаздан жасалған кейіпкерлерге әр ұлттың ұлттық киімдерін таңдап, оларды безендірді. Бұл тапсырма балаларға ұлттық киімдердің ерекшеліктерін танып-білуге және мәдени әртүрліліктің сұлулығын сезінуге мүмкіндік берді.
Сабақ жылы әрі достық атмосферада өтті. Оқушылар еліміздің басты құндылығы – халықтар арасындағы бірлік, бейбітшілік пен келісім екенін түсінді.